Gweler isod atebion i rai cwestiynau cyffredin. Os na allwch ddod o hyd i ateb i’ch ymholiadau, cysylltwch â ni ar camping@cardiganisland.com
Cwestiynau Cyffredin
![](https://cardiganisland.com/wp-content/uploads/2019/01/page-icon-car-400x400.png)
Pa mor fawr yw’r lleiniau?
Mae’r lleiniau rhyw 6m x 12m gyda lle parcio i 1 car. Gellir gadael ceir ychwanegol ym maes parcio Parc y Fferm yn rhad ac am ddim.
![](https://cardiganisland.com/wp-content/uploads/2019/01/page-icon-bbq-1-400x400.png)
Allwn ni ddod â barbeciw neu gynnau tân gwersyll?
Mae croeso i chi ddod â barbeciw neu bydew tân ar ei draed ond mae’n RHAID iddyn nhw fod wedi’u codi oddi ar y glaswellt. Mae blociau ar gael yn y caban golchi llestri. Fodd bynnag, nid ydym yn caniatáu tanau ar y ddaear na llusernau Tsieineaidd.
![](https://cardiganisland.com/wp-content/uploads/2018/12/page-icon-dog-400x400.png)
Alla i ddod â’m ci?
Mae croeso i gŵn aros ar y gwersyll a chodir ffi o £1 y noson amdanynt. Rhaid peidio â gadael cŵn ar eu pen eu hunain a rhaid iddynt gael eu cadw ar dennyn byr bob amser ar y gwersyll ac ar Barc y Fferm. Rhaid i chi glirio baw eich ci yn syth. Ni chaniateir cŵn (ar wahân i gŵn cymorth) i mewn i’r caffi dan do ond mae ganddynt hawl i fod ar ardal batio awyr agored y caffi lle darperir powlenni o ddŵr.
![](https://cardiganisland.com/wp-content/uploads/2019/01/page-icon-1-400x400.png)
Oes isafswm arhosiad?
Na, gallwch aros am 1 noson yn unig os dyna yw’ch dymuniad.
![](https://cardiganisland.com/wp-content/uploads/2019/01/page-icon-clock-400x400.png)
Oes amser cofrestru a gadael?
Bydd eich llain ar gael o 1pm ymlaen (yn gynharach yn ystod y gwyliau ysgol). Gofynnwn, os yn bosibl, i chi gyrraedd cyn i Barc y Fferm gau am 6pm er mwyn i chi allu cofrestru wrth Ddesg y Fynedfa pan gyrhaeddwch chi. Os byddwch yn cyrraedd ar ôl yr amser hwn, rhowch wybod i ni er mwyn i ni allu gwneud trefniadau. Rhaid i chi gyrraedd cyn 11pm er mwyn peidio â tharfu ar y gwersyllwyr eraill. Yr amser gadael yw 12pm ond mae croeso i chi aros ym Mharc y Fferm tan iddo gau.
![](https://cardiganisland.com/wp-content/uploads/2019/01/page-icon-ticket-400x400.png)
Oes rhaid i ni dalu i fynd i mewn i Barc y Fferm?
Nac oes, mae mynediad diderfyn i Barc y Fferm wedi’i gynnwys ym mhris eich arhosiad.
![](https://cardiganisland.com/wp-content/uploads/2018/12/page-icon-tent-400x400.png)
A allaf ddewis fy llain?
Byddwn yn gwneud ein gorau i ddarparu ar gyfer unrhyw ofynion felly, ond yn anffodus, ni allwn sicrhau’r rhain, yn enwedig yn ystod adegau prysur fel gwyliau ysgol.
![](https://cardiganisland.com/wp-content/uploads/2019/01/page-icon-cable-400x400.png)
Ydy’r cysylltiadau’n cymryd plygiau tŷ safonol?
Nac ydyn, bydd angen i chi gael cebl cysylltu gyda chysylltiad soced priodol. Mae’r rhain ar gael o siopau gwersylla, a gellir eu prynu gyda socedi’r cartref ar ochr y defnyddiwr i’r bobl yn y pebyll.
![](https://cardiganisland.com/wp-content/uploads/2019/01/page-icon-cash-400x400.png)
A allaf gael ymwelwyr ar y safle?
Gallwch, ond os byddant yn penderfynu aros dros nos neu fynd i Barc y Fferm, rhaid iddynt dalu’r ffi berthnasol.
![](https://cardiganisland.com/wp-content/uploads/2019/01/page-icon-leveler-400x400.png)
Oes angen imi ddod â gwastatawyr?
Oes, gan fod y gwersyll ar oleddf ysgafn sy’n wynebu’r môr.
![](https://cardiganisland.com/wp-content/uploads/2019/01/page-icon-wifi-400x400.png)
Oes gennych WiFi yn y gwersyll?
Dim eto yn anffodus. Oherwydd diffyg mynediad i fand eang cyflym iawn yn ein hardal wledig, ni allwn gynnig hyn i gwsmeriaid ar hyn o bryd.
![](https://cardiganisland.com/wp-content/uploads/2018/12/page-icon-faqs-400x400.png)
Ydych chi’n gwerthu nwyddau a siarcol ar y safle?
Nac ydyn, ond mae siopau cigydd a bara lleol hyfryd ar gael yn ein tref agosaf, sef Aberteifi, ynghyd ag archfarchnadoedd Tesco ac Aldi.
![](https://cardiganisland.com/wp-content/uploads/2019/01/page-icon-washing-machine-400x400.png)
Oes gennych beiriannau golchi dillad ar y safle?
Nac oes, mae golchdy (Cardi Launderette) yn ein tref agosaf, Aberteifi.
![](https://cardiganisland.com/wp-content/uploads/2019/01/page-icon-gas-400x400.png)
Ydych chi’n gwerthu nwy gwersylla?
Nac ydyn, ond mae rhai lleoedd yn yr ardal yn gwerthu nwy.
![](https://cardiganisland.com/wp-content/uploads/2019/01/page-icon-plate-400x400.png)
Oes yna rywle i fynd am bryd o fwyd gyda’r nos?
Mae llawer o leoedd i fwyta yn yr ardal leol ac mae dau westy o fewn pellter cerdded sy’n gweini prydau gyda’r hwyr.