Dathlwch barti pen-blwydd eich plentyn ym Mharc Fferm Arfordir Ynys Aberteifi.
Mae ein pecyn parti yn ystod y dydd i Ffermwyr Bychain
(10 plentyn o leiaf) yn cynnwys:
- Diwrnod ar Barc y Fferm dan oruchwyliaeth rhieni.
- Bag o fwyd anifail i bob plentyn.
- Mynediad AM DDIM i un oedolyn fesul plentyn (dau oedolyn i’r plentyn sy’n dathlu pen-blwydd). Mae prisiau mynediad arferol i’w talu gan deulu a ffrindiau ychwanegol.
- Cinio pen-blwydd am 12pm, 1:30pm, neu 3pm wrth fwrdd wedi'i addurno yn ein caffi.
- Mwgwd anifail i bob plentyn.
- Dewis o Fwydlen Boeth neu Fwydlen Oer.
- Bydd ein caffi ar agor i gynnig ein bwydlen lawn os bydd unrhyw oedolion am archebu bwyd.
- Mae gwahoddiadau parti ar gael i’w lawrlwytho.
Mae ein pecyn parti Ffermwyr Bychain ar ôl ysgol
(10 o blant o leiaf) o 3.30pm tan 6pm yn cynnwys:
- Defnydd o’r ardaloedd chwarae dan do ac awyr agored. O gofio’r amser cyfyngedig sydd ar gael mewn parti ar ôl ysgol, nid ydym yn argymell ymweld ag anifeiliaid y fferm ond cewch wneud hynny os dymunwch.
- Mynediad AM DDIM i un oedolyn fesul plentyn (dau oedolyn i’r plentyn sy’n dathlu pen-blwydd). Mae prisiau mynediad arferol i’w talu gan deulu a ffrindiau ychwanegol.
- Te pen-blwydd wedi’i weini am 4.30pm wrth fwrdd wedi’i addurno yn ein caffi.
- Cynigir ein Bwydlen Oer ar gyfer y partïon ar ôl ysgol.
- Bydd ein caffi ar agor tan 5pm, gan weini’n bwydlen lawn tan 4pm ac yna diodydd, cacennau a byrbrydau tan 5pm, os bydd unrhyw oedolion am archebu bwyd.
- Mwgwd anifail i bob plentyn.
- Mae gwahoddiadau parti ar gael i’w lawrlwytho.
Bwyd Parti
Bwydlen Boeth
Bysedd pysgod, goujons cyw iâr, selsig fegan wedi’u gweini gyda sglodion a ffa pob.
Hufen iâ fanila.
Bwyd Parti
Bwydlen Oer
Platiau o frechdanau cymysg (ham, caws, tiwna a jam)
Selsig bach
Darnau moron a chiwcymbr
Powlenni o greision
Bysedd siocled
Ffrwythau ffres
Hufen iâ fanila
Mae’r ddau ddewis bwydlen yn cynnwys jygiau diddiwedd o ddiod oren, afal a chyraints duon a dŵr. Mae croeso ichi ddod â’ch cacen pen-blwydd gyda chanhwyllau eich hun a byddwn ni’n hapus i’w torri i fyny er mwyn i chi eu dosbarthu i’ch gwesteion i fynd adref gyda nhw (dewch â’ch napcynnau eich hun i lapio’r gacen).
Rhowch wybod i ni am unrhyw alergeddau neu ofynion dietegol cyn cyrraedd a byddwn yn gwneud ein gorau i ddarparu ar eu cyfer.
Dewisiadau ychwanegol
Mae modd archebu’r rhain yn uniongyrchol gyda’n ffrindiau yn:
Body Canvas – Peintio Wynebau, Modelu Balwnau 07930 450033
Chocs Away Cakes – 01239 831173
Telerau ac Amodau
- Mae’r pris fesul plentyn a rhaid cael o leiaf 10 plentyn fesul parti.
- Rhoddir mynediad am ddim i un oedolyn fesul plentyn (dau oedolyn i’r plentyn sy’n dathlu ei ben-blwydd). Mae prisiau mynediad arferol i’w talu gan ffrindiau a theulu ychwanegol.
- Bydd pris o £4.50 y pen yn cael ei godi ar westeion parti dan 2 flwydd oed.
- Mae angen blaendal o £20 adeg archebu y mae modd ei dalu gydag arian parod neu gerdyn.
- Rhaid canslo 48 awr cyn dyddiad y parti neu bydd y blaendal yn cael ei golli.
- Rhaid cyflenwi rhestr o westeion 48 awr cyn y parti.
- Rhaid talu’r balans sy’n weddill gydag arian parod neu gerdyn ar ôl cadarnhau’r niferoedd wrth gyrraedd Desg y Fynedfa.
- Sylwch nad yw staff Parc y Fferm yn goruchwylio partïon, rhaid i rieni oruchwylio’u plant drwy’r amser.
- Yn anffodus, ni allwn gymryd archebion parti yn ystod mis Awst gan fod Parc y Fferm yn brysur iawn yn ystod y cyfnod hwn.
- Sylwch mai atyniad awyr agored ydym ni yn bennaf. Sicrhewch fod gan blant ddillad priodol ar gyfer y tywydd. Rydym yn argymell esgidiau glaw a dillad gwrth-ddŵr ar gyfer glaw. Byddwn ond yn canslo parti os ystyrir bod y tywydd yn beryglus h.y. mellt a tharanau.
Archebwch nawr trwy anfon e-bost atom yn info@cardiganisland.com neu ffoniwch 01239 623637